Hi d palapar biography of william

Ang dugo nga mitulo sa samad sa akon kasingkasing

Puwang tinta nga milama sa panit sa akong pagbati,

Ug dugayng’ mapapa bisan hugasan pa kini nimo

Dugay miundang ang pagdugo sa maong samad

Bisa’g gisampongan ko kini og dahon sa paglaum,

Gihiktan og taas nga panapton sa panahon,

Ug human tambali sa mertayolet

Sa kalagot, gitabunan sa gapas

Karon, ang samad, kay samad man kini, sa iyaha ra misira,

Mikugan ug miuwat, apan ang kangutngot sa imong

Pagbudhi ug pagbiya kanako motumaw

Sa kabugnaw tunga-tunga sa kagabhion,

Ug walay sipyat nga motandog

Haidee Emmie K.

Palapar